धरती के शृंगार- "पेड़

                                                                                                             रचनाकार ;-उदय कोलियारे  

पेड़ हावय धरती के शोभा, सब ला देथे छाँव,
जनम मरन के ये संगवारी, महिमा कतिक मे गाव। 
पेड़ बिना प्रकृति अधुरा, जीवन सब मर जाहि,  
 रौद्र रूप भीषण गर्मी म,धरती ह जर जाही।।

                           मनखे मन के मति भ्रष्ट हे,पेड़ बहुत कटत हे,

                           कमती होंगे जीवन धरती म,रोग बहुत बटत हे।
                           पेड़ नहीं रही अगर त,हवा कहाँ से आही,                                                                  
                           हवा बिना सब जीव जंतु मन,सोंचव कहाँ वो जाही।।

                            पेड़ बहुत कटावत हे,वर्षा कहा ले होही, 
                            बिना अनाज के  जीव-जंतु सब,प्राण अपन खोही। 
                             वर्षा के अभाव में,नदी -तरिया सब सुखही,
                            सोचों बिना पानी के तब जीवन कतिक दुखही।।

      विज्ञान करे तरक्की बहुत हे,मनखे मनात जश्न हे,
      पेड़ नहीं रही त जिहु कइसे, अतकी मोर प्रश्न हे। 
      पेड़ बिना विज्ञान हे झूठा,जीवन में भूख अउ प्यास हे, 
      बिना पेड़ के जीना हे मुश्किल,पेड़ जीवन के विश्वास हे। 




                                                                                       

                                                                                 संपादक :-मधु कुमार ठाकुर